منتديات نقبنا

وصاتك تنساني

اذهب الى الأسفل

M10 وصاتك تنساني

مُساهمة من طرف عيون البحر في الأحد يونيو 28, 2009 2:21 am

وصاتي لك من بعدي تموت فيها علشاني
ابيها تعيش و تحيا بك واظل بالذاكره مفقود
وصاتي لك تنسيها ملامح وجهي و تنساني
وتعزفها قصيدة حب على ععيب اللي عزفته بعود
وصاتي لك تبعدها عن اشعاري وقيفاني
تراها مغرمة بالحيل ويشهد لي عدد الردود
وصاتي لك تسايرها ترى فيها من احزاني
طلبتك لايضيق بالك طلبتك والطلب مردود
وصاتي لك تناديها حياتي..عمري..ازماني
انا عودتها دايم ادلعها وانا موجود
وصاتي لك تعاملها بطيبه قلب و احساني
تراها تذرف الدمعه ودمعتها بليٌا حدود
وصاتي لك تحفظها سور وآيات قرآني
وتخبرها عن الميت رحل لايمكنه بيعود
وصاتي لك ترسمها على قبري وأكفاني
ابيها لوحة تبقى على طول الزمن محدود
وصاتي لك تمازحها وتشوف الضحكة بأسناني
سعيتك ياضحك هالكون طلبتك لاتصير جلمود
وصاتي لك تقهويها من دلالي و فنجالي
تراها تعشق السمرا ويكفيها دخون العود
وصاتي لك تركبها على خيلي و على حصاني
وربي فارسة من قلب شهادة ماهي لشهود
وصاتي لك تسفرها بلاد الشام و لبناني
ترى يحلالها تقطف ورده وردة من بلد الورود
وصاتي لك تراقصها على الحان رحباني
ترى فيها عرق خالة وفيها من جنون السود
وصاتي لك تحببها فأبونورة بعد هاني
وتنسيها ندم غلطة انا فيها ترى المقصود
وصاتي لك تكرهها في تاريخي و عنواني
أبيها تلعن اللحظة وتلعن كل فرح موعود
وصاتي لك تكلمها عن المجني وعن الجاني
وتخليني انا الظالم وانا من حرق الاخدود
وصاتي لك تشبهني بدم أحمر قاني
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصية قالها لساني
أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني
أمانه ضمها بقلبك... ترى خالد رحل مايعود

عيون البحر
.
.

عدد المساهمات : 262
نقاط : 41885
تاريخ التسجيل : 30/04/2009
العمر : 28

الرجوع الى أعلى الصفحة اذهب الى الأسفل

M10 رد: وصاتك تنساني

مُساهمة من طرف تركي بن شراري في الأحد يونيو 28, 2009 4:32 am

يسلمووو
avatar
تركي بن شراري
.
.

عدد المساهمات : 294
نقاط : 41870
تاريخ التسجيل : 03/05/2009
العمر : 30

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى