رأيكم بالأعراس حتى الفجر ؟؟؟

من طرف **بدوي 4 الابد** الإثنين يوليو 20, 2009 9:09 pm

السلام عليكم ورحمة الله وبركاته

حل علينا الصيف ولله الحمد حر وغبار وروتين ....الخ

الله يتوب علينا ويرحمنا برحمته

موسم الأعراس وربكة البنات اللي يحضرون الأعراس أكثر من ربكة العروس نفسها

ماأتكلم عن البنات وكشختهم وحركاتهم بالأعراس << ماتبي تعطيكم فرصه

نتكلم عن حفلات الأعراس اللي تتواصل حتى الفجر ؟؟؟؟
وحده من صديقاتي وجهة نظرها الأعراس اللي تخلص بدري أهلها بدو ؟؟؟
ناقشتها لقيت الحوار معها عقيم قلت الله يهديها
البنت تجلس خارج البيت للفجر ليش ؟؟؟؟
تقول وناسه اوسع صدري وابوها الشايب المسكين يحتريها الين تخلص وناستها
طبعاً الطق والأغاني والرقص حتى الثلث الأخير من الليل ؟؟ مايخافون من سخط الرحمن !!!
أنا بصراحه شخصياً ماأحضر زواجات الى الفجر
واذا اظطريت حضرت باركت للعروس وأعطيتها هديتها واطلع
سمعنا ان فيه صالات افراح حددت وقت معين بس ماشفنا شي
وسمعنا بعد أمراء مدن بأكملها يحددون حتى الساعه الفلانيه بعد ماشفنا شي
رأيكم بالأعراس حتى الفجر ؟؟؟
والأهل لهم دور بخروج بنتهم حتى الفجر ؟؟
سؤال للبنات اللي يحبون هالشي وش الفايده !!

اللي عنده اضافه يدلو بها ,,,

وسلامتكم